Dä erschde Scholldooch woar nu schäi,

a dä zweide is nu ganga.

​

Obber däi vieln Dooch dänouch,

des woar scho a Verlanga:

​

Schbazierschdeck moaln, brav sidzn bleim,

mid lesn si die Zeid verdreim.

​

Den Lehrer zouhorng - nix däfsd soong.

Aan Glann schlächd des scho aafm Moong.

​

Moußd froung, obsd däfsd, wennsd amoal moußd,

wärsd gschimbfd, wennsd amoal lauder housd.

​

Aa zu laud däfmer si ned schneizn.

Mid nix däfmer des Frollein reizn.

​

Für miich, als Reiwer, woars ka Schbaß.

Mechd nemmer in di erschde Glass!

​

Erwin P. Kandel